اوورسیز پاکستان فاؤنڈیشن کے چیئرمین Syed Qamar Raza Shah پانچ روزہ دورے پر جاپان پہنچ گئے، جہاں ان کا پرتپاک استقبال کمیونٹی رہنماؤں نے کیا۔
دورے کے پہلے روز کھلی کچہری کا انعقاد کیا گیا، جس میں انہوں نے اوورسیز پاکستانیوں سے براہ راست ملاقات کر کے ان کے مسائل سنے۔
اس موقع پر انہوں نے واضح کیا کہ ان کے دورے کا مقصد جاپان میں مقیم پاکستانیوں کے مسائل کو سمجھنا اور ان کے حل کے لیے عملی اقدامات کرنا ہے، اور یہ دورہ کسی بھی طرح سیاسی نوعیت کا نہیں۔
انہوں نے کہا کہ بیرون ملک مقیم پاکستانی ملک کا قیمتی سرمایہ ہیں اور انہوں نے ہمیشہ قومی معیشت کو مضبوط بنانے میں اہم کردار ادا کیا ہے، اس لیے ان کے مسائل کا حل حکومت کی اولین ترجیح ہے۔
چیئرمین او پی ایف نے اس بات پر بھی زور دیا کہ دنیا بھر میں پاکستانیوں کو متحد رہنا چاہیے اور ایک دوسرے کا سہارا بننا چاہیے۔
اپنے خطاب میں انہوں نے پاک فوج کی قربانیوں کو خراج تحسین پیش کرتے ہوئے شہداء کے اہل خانہ سے یکجہتی کا اظہار بھی کیا۔
