ایران نے خبردار کیا ہے کہ اگر امریکا نے ایرانی Kharg Island پر زمینی کارروائی یا قبضے کی کوشش کی تو وہ عالمی تجارت کے اہم بحری راستے Bab al-Mandeb Strait کو بند کرنے پر مجبور ہو جائے گا۔
نیویارک پوسٹ کے مطابق ایران کے پاسدارانِ انقلاب سے وابستہ ایک ذریعے نے کہا کہ امریکا کی کسی بھی عسکری کارروائی کے جواب میں ایران ایسے اقدامات کرے گا جس سے امریکی نقصان کی لاگت دگنی ہو جائے گی۔
بین الاقوامی میڈیا رپورٹس کے مطابق باب المندب دنیا کی اہم ترین اسٹریٹجک گزرگاہوں میں شامل ہے اور ایران اسے مؤثر طریقے سے بلاک کرنے کی صلاحیت رکھتا ہے۔ یہاں سے ہر سال تقریباً 1 ٹریلین ڈالر مالیت کی عالمی تجارت گزرتی ہے، اور کسی بھی رکاوٹ سے عالمی سپلائی چین اور تیل کی ترسیل شدید متاثر ہو سکتی ہے۔
یمن میں موجود ایران کے حمایت یافتہ Houthi rebels نے بھی عندیہ دیا ہے کہ ضرورت پڑنے پر وہ اس بحری گزرگاہ میں ایران کی مدد کرے گا۔ ماضی میں حوثی جنگجو Red Sea میں اسرائیل سے منسلک جہازوں پر حملے کر چکے ہیں۔
ادھر امریکا مشرقِ وسطیٰ میں اپنی فوجی موجودگی بڑھا رہا ہے اور تقریباً 3000 فوجیوں کو خطے میں بھیجنے کی تیاری کی اطلاعات سامنے آئی ہیں، تاہم امریکی صدر نے فوری زمینی حملے کے منصوبے کی تصدیق نہیں کی۔
واضح رہے کہ خارگ جزیرہ ایران کی تیل برآمدات کا مرکزی مقام ہے اور ملک کی تقریباً 90 فیصد خام تیل اسی جزیرے سے ترسیل ہوتی ہے، اس لیے کسی بھی حملے کو ایران اپنی معیشت پر براہِ راست خطرہ تصور کرتا ہے۔
