وزارت خزانہ نے اعلامیہ جاری کرتے ہوئے کہا ہے کہ International Monetary Fund کے ساتھ ہونے والا حالیہ جائزہ کامیاب رہا ہے اور معاشی اصلاحات درست سمت میں آگے بڑھ رہی ہیں۔
اعلامیے کے مطابق پاکستان کے زرمبادلہ کے ذخائر بڑھ کر 21.7 ارب ڈالر ہو گئے ہیں، جو رواں سال کی بلند ترین سطح ہے، جبکہ گزشتہ 33 ہفتوں سے مسلسل اضافہ دیکھا جا رہا ہے۔
وزارت خزانہ کا کہنا ہے کہ Strait of Hormuz تک رسائی میں بہتری سے شپنگ کے شعبے میں استحکام آیا ہے اور فیول سیکیورٹی بھی بہتر ہوئی ہے، اس وقت پاکستان کے پاس تقریباً 4 ہفتوں کے لیے تیل کے ذخائر موجود ہیں۔
اعلامیے میں مزید کہا گیا کہ تجارتی راستوں کی بہتری کے باعث بندرگاہوں کی سرگرمیوں میں اضافہ ہو رہا ہے، جبکہ لارج اسکیل مینوفیکچرنگ میں شرح نمو ڈبل ڈیجٹ تک پہنچ گئی ہے۔
اس کے علاوہ 50 کروڑ ڈالر سے زائد کی فائیو جی نیلامی کو ڈیجیٹل انفرااسٹرکچر میں ایک اہم سرمایہ کاری قرار دیا گیا ہے، جو مستقبل میں معیشت کو مزید مضبوط بنانے میں مددگار ثابت ہوگی۔
